Galicia bébese as rúas

Miles de personas copan as cidades galegas nas manifestacións polo 25N

Marta Tiago

Galiza di ‘non’ un ano máis á violencia de xénero. O Día Internacional para a Eliminación da Violencia Contra a Muller queda simbolizado con numerosas manifestacións, concentracións e declaracións institucionais como mostra de apoio social e colectivo ás mulleres impulsado por a Marcha Mundial das Mulleres

Axenda completa en toda Galiza

Numerosos concellos galegos xa dedicaron toda a axenda do mes de novembro a actos culturais, educativos e reinvidicativos, que desembocarían nun multitudinario ramo final durante o sábado 25. As cidades e os municipios galegos fixérolle memoria ás que xa non están, enchéndose de persoas, pancartas e cánticos nos que se pedía igualdade, pero sobre todo, acción

“Estamos fartas de que nos maten”

Unha das comarcas máis destacadas desta xornada foi a de Ferroterra, alí, ademais da concentración do sábado, tamén se leva a cabo unha carreira e unha andaina de máis de 800 persoas este domingo a partir das 11:00 horas no Cantón.

En cidades como Santiago, reuníronse na praza do 8 de marzo, onde se leu un manifesto: “Estamos fartas de que nos maten”. Noutras, como a olívica, o acendido das luces na cidade este venres 24 non eclipsou o tinguido morado do día seguinte. Alí centos de persoas cruzaron Vía Norte e Urzáiz baixo o lema: “Vivas nos queremos!”. Na Coruña, miles de mulleres alzaron a súa voz para reclamar a abolición da prostitución como ferramenta de exterminio da mercatilización das mulleres. Entre as alí presentes, encontrábase o secretario xeral do Partido Socialista de Galicia, Valentín González Formoso, quen encabezada o percorrido.