‘Encontros en familia’: unha búsqueda de debate e reflexión na Guarda

Esteban Figueirido, psicólogo especializado en terapia familiar e Beatriz Arroyo, traballadora social clínica e psicoterapeuta, dirixirán esta charla enfocada nas rupturas de parella e os cambios asociados ao núcleo familiar que isto provoca

'Encontros en familia' no concello de A Guarda. Faro de Vigo

Metanoia

O martes 7 de novembro terá lugar a quinta sesión deste programa: ‘Ruptura da parella, moitas perdas e algunhas gañancias’, que tivo os seus comezos no mes de xuño.

Esta proposta do Servizo de educación e apoio familiar (SEAF) pretende crear un espazo de reunión para achegar á cidadanía temas actuais que inviten ao debate e a reflexión sobre o papel da familia na sociedade actual e ao mesmo tempo ofrecer un formato máis práctico con recomendacións e orientacións ás familias, profesionais da educación e coidadores.

O obxectivo destes encontros é fortalecer as capacidades e habilidades parentais e de crianza, ofrecendo pautas positivas para consolidar os vínculos familiares e garantir a protección integral das crianzas e adolescentes.

Son 7 encontros en total, no que nalgúns deles xa se trataron temas tan importantes como a saúde mental, hábitos saudables e o tempo de ocio e familiar. Ditas charlas realizaranse os martes na Casa dos Alonso (planta baixa do Concello) en horario de 19:30h a 21:00h. A entrada é libre ata completar aforo.